অসমীয়া কবিতা- কবিতাবোৰ এনেকৈয়ে ওলাই আহে

H.T POEM and STORY

মোৰ মৃত্যুৰ দিনা
তুমি উচুপি নাকান্দিবা ||
.
নাহিবা তুমি দৌৰি
নিজকে আপোন পাহৰা কৰি
মোৰ অগ্নিদগ্ধ চিতাৰ কাষলৈ বুলি ||
.
নাকান্দিবা উচুপি তুমি
তোমাৰ শিৰৰ
সেন্দুৰ মচি গল বুলি ||
.
উচুপি কান্দি
তোমাৰ চকুলো মাজেৰে
মোক উলিয়াই নিদিবা
তোমাৰ হৃদয়ৰ পৰা ||
.
মোৰ সমস্ত ভালপোৱা
তোমাৰ হৃদয়তে থৈ আহিম
তুমি মাথো উচুপি নাকন্দিবা ||
.
তোমাৰ হৃদয়তে
গেলি পচি বিলীন হব বিচাৰো
চিৰদিনৰ বাবে ||
.
তুমি মাথো উচুপি নাকান্দিবা

ল'ৰালিতেই ভাল আছিল
দুখ সুখ কি বুজা নাছিলো
বুজা নাছিলো জীৱন কি
আইৰ কোলাত সুখ আছিল
এতিয়া মাথো যান্তনা
কক বকাই থকা হুমুনিয়াহ
জীৱনৰ আহুকলিয়া সময়বোৰ
নিৰৱে পাৰ কৰো
তেতিয়াই বোবা হৈ পৰো
উত্তৰ বিচাৰি নাপালো
তোমাৰ নিৰবতাত
শুদ্ধ উত্তৰবোৰ সময়ৰ গতিত
ধোৱাচাঙৰ এলান্ধু
হয়তো হেৰুৱা ঠিকনাৰ
হেৰুৱা ভালপোৱাবোৰ
এসময়ত হৈ পৰিব
মাথো নিসংগতাৰ হুমুনিয়াহ .

----------------------x--------------------------

 কেইটামান সৰু কবিতা



(ক)
মাজ নিশা এনেকৈয়ে নামে
বিষাদৰ চকুলোৰে !!
কলমৰ নীলা চিয়াহীৰে
ডায়েৰীৰ উকা পৃষ্ঠা বোৰ
ভৰাই তোলে !!

(খ)
জোনাকে আজিও ভৰাই আনে
স্মৃতিৰ টোপোলাৰে !!
নৈ পাৰ কৰিবলৈ
মোক নাৱৰীয়া কৰি
জগাই তোলে !!

(গ)
সপোনবোৰ এনেকৈয়ে ভাগে
পুৱতি নিশাৰ
চৰাইৰ কিৰকিৰ মাতে !!

(ঘ)
কবিতাবোৰ এনেকৈয়ে ওলাই আহে
তুমি হৃদয়ত

বিষাদৰ জন্ম দিলে !!